Волейбол: «Атырауды» жеңген «Жайық» ұпай санын 40-қа жеткізді

ТАЛДЫҚОРҒАН. KAZINFORM — Талдықорған қаласында волейболдан ерлердің ұлттық лига командалары арасында өтіп жатқан Қазақстан чемпионатының үшінші турында «Жайық» пен «Атырау» клубтары кездесті.

Волейболдан Қазақстан чемпионатында «Жайық» ақтөбеліктерден қарымта қайырды
Фото: Қазақстан волейбол федерациясы

Осыған дейін қатарынан 12 матчты жеңіспен түйіндеген оралдықтар сол қарқынынан бұл жолы да жаңылған жоқ.

Өткен маусымда ширек финалда «Жайық» атыраулықтарға жол беріп, жүлделі орындарға таласудан тыс қалған еді. 

Оралдықтардың бапкері Виктор Козик тәжірибелі ойыншыларға сенім артып, арасында ауыстырып та отырды. Бәсеке барысында Ислам Жұмабеков жаттықтыратын атыраулықтар алға шыққанымен, «Жайық» ұзатпай, таразы басын өздеріне аудара білді — 3:0 (25:22, 25:20, 25:17).

Сөйтіп, ұпай санын 40-қа жеткізген «Жайық» командасы биыл чемпиондықтан үміткер екендігін танытып келеді.

Бүгін сондай-ақ «Ақтөбе» клубы СҚО-ның «Есілін» 3:1 (25:16, 25:22, 24:26, 25:19) есебімен жеңіп, 32 ұпаймен екінші орынға орнықты. 

Еске сала кетейік, бұдан бұрын «Ақтөбенің» тартысты матчта «Атырауды» ұтқанын жазған болатынбыз.

Соңғы жаңалықтар