Волейболдан Қазақстанның әйелдер құрамасы «Гран-При 2011» жарысының іріктеу кезеңіне қатысады

АЛМАТЫ. 6 мамыр. ҚазАқпарат /Ерлік Ержанұлы/ - Волейболдан Қазақстанның әйелдер құрамасы 12-14 мамырда Алжирдің Блида қаласында өтетін «Гран-При 2011» жарысының іріктеу кезеңіне қатысады

Бұл сайыста жерлестеріміздің қарсыласы Алжир спортшылары болмақ. Жарыс екі матчтан тұрады. Бұл сында жоғары ұпай жинаған команда "Гран-При 2011" бәсекесіне жолдама алады. Турнирде 3:0, 3:1 есебімен ұтқандарға 3 ұпай, 3:2 есебімен жеңгендерге 2 ұпай, 2:3 боп жеңілгендерге 1 ұпай беріледі, ал 0:3, 1:3 боп ойсырай ұтылғандарға бірде-бір ұпай берілмейді. Ұлттық құраманың құрамына Сана Жарлағасова, Татьяна Пюрова, Ольга Наседкина, Олеся Арсланова, Алена Омельченко, Корина Ишмицева, Ирина Лукомская, Елена Эзау, Марина Стороженко, Радмила Береснева, Инна Матвеева, Алеся Сафронова мен Яна Петренко еніп отыр. Қазақстандықтар бұған дейін Гран-При бәсекесінде 2007 және 2008 жылдары бақ сынаған болатын.