Волейболдан Қазақстанның әйелдер құрамасы Тайваньда өтетін 2010 жылғы әлем чемпионаты іріктеу турнирінің үшінші кезеңіне қатысады

деп хабарлайды ҚазАқпарат.

«Біздің спорт» сайтының мәліметінше, Чиа И қаласында болатын аталмыш кезеңде біздің команда Оңтүстік Корея, Жаңа Зеландия және Қытайдың Тайпей командаларымен шеберлік байқасады. Бұл кезеңде 1-ші және 2-ші орын алған құрамалар 2010 жылы қазанның 29-ы мен қарашаның 14-і аралығында Жапонияда өтетін әлем чемпионатының финалдық кезеңіне жолдама алады. Чемпионатқа барлығы 24 команда қатысады. Қазіргі таңда 20 команда біріншілікке жолдама алып қойды. Олар: Бразилия, Перу, Жапония, Қытай, Тайланд, Хорватия, Чехия, Түркия, Германия, Италия, Польша, Ресей, Сербия, Голландия, Алжир, Кения, Куба, АҚШ, Пуэрто-Рико и Доминикан Республикасы.