Воскобоева К. Первактың ізімен Australian Open чемпионатының екінші айналымына өтті
АСТАНА. 17 қаңтар. ҚазАқпарат - Қазақстандық теннисші Галина Воскобоева Ксения Первактың ізімен Australian Open чемпионатының жұптық кездесуінде екінші айналымға өтті, деп хабарлады Vesti.kz.
Кездесудің бірінші сеті тай-брейкпен аяқталды: есеп 6:6 болғанда Галина Воскобоева Александра Пановамен бірге «қосымша» геймді жеңді - 7:3. Ойынның екінші бөлігінде де күштер тең болды, дегенмен, Мона Бартель мен Ализе Корненің (Германия/Франция) жолы болды. Есеп 4:6.
Үшінші сетте Воскобоева мен Панова қарсыластарымен біраз бақ таластырды, нәтижесінде ойынды 7:5 есебімен аяқтады.
Келесі айналымда Галина мен Александра румындық жұп - Ирина Кармелия Бегу мен Моника Никулеспен ойнайды.
