WBA Головкин мен Альварестің біреуіне бұйыратын белдікті таныстырды

АСТАНА. ҚазАқпарат - Бүкіләлемдік бокс қауымдастығы (WBA) қазақстандық боксшы Геннадий Головкин (37-0, 33 КО) мен мексикалық Сауль Альварес (49-1-1, 34 КО) жекпе-жегінің жеңімпазына арналған ерекше белдікті таныстырды, деп хабарлайды ҚазАқпарат тілшісі.

«Ерекше жекпе-жек кешіне, арнайы белдік»-, деп жазылған WBA ұйымының Instagram парақшасына.

Еске сала кетсек, Головкин-Альварес жекпе-жегіне Дүниежүзілік бокс кеңесіде (WBC) арнайы белдік дайындаған еді . 

Головкин-Альварес жекпе-жегі 16 қыркүйек күні АҚШ-тың Лас-Вегас қаласындағы «T-Mobile» аренада өтеді.

Оны «Qazaqstan» және «Qazsport» телеарналары тікелей эфирден 17 қыркүйек күні (уақыт айырмашылығына байланысты) көрсетеді. Белгілі болғандай, Головкин мен Альварестің айқасы сағат 8.50-де басталады.