Winter Run: 20 ақпанда Алматы қаласы жолдарының бір бөлігі жабылады
АЛМАТЫ. ҚазАқпарат - «Winter Run» жарысының ұйымдастыру комитеті Алматы тұрғындары мен қонақтарына жарыс өтетін күні жолдардың ішінара жабылатыны туралы мәлімдеді, деп хабарлайды ҚазАқпарат тілшісі.
20 ақпан күні «Winter Run» жарысы өтетін уақытта, яғни, таңғы сағат 05:00-ден 13:00-ге дейін жарыс қашықтығы өтетін жерлерде жолдардағы қозғалыс ішінара жабылады.
Жарыс сөресі «Нұрлы-Тау» бизнес орталығының жанынан басталады. Әл-Фараби даңғылының солтүстік жағында Назарбаев даңғылынан Желтоқсан көшесіне дейінгі жол бөлігінде қозғалыс сағ. 05:00-ден 13:00-ге дейін жабық болады.
Әл-Фараби даңғылы бойында туннельге кіретін аймақ Меңдіқұлов көшесінен бастап сағ. 05:00-ден 13:00-ге дейін жабық болады.
Әл-Фараби даңғылының оңтүстік жағымен автокөліктердің жүруіне болады.
Әл-Фараби даңғылының солтүстік жағында Желтоқсан көшесінен Esentai Mall сауда орталығына дейін қозғалыс сағат 07:40-тан 11:00-ге дейін жабық. Оңтүстік жағы автокөліктер үшін ашық.
Әл-Фараби даңғылының солтүстік жағында Esentai Mall сауда орталығынан Гагарин даңғылына дейін қозғалыс сағат 08:30-дан 10:45-ке дейін жабық болады. Оңтүстік жағы автокөлік қозғалысы үшін ашық.
«Нұрлы-Тау» бизнес-орталығына көлікпен жету үшін ұсынылатын маршрут:
1. Желтоқсан көшесінің бойымен оңтүстікке қарай Әл-Фараби даңғылына дейін,
2. Назарбаев даңғылының бойымен оңтүстікке қарай Әл-Фараби даңғылына дейін,
3. Әл-Фараби даңғылының бойымен батысқа қарай Назарбаев даңғылына дейін,
4. Назарбаев даңғылының бойымен солтүстікке қарай Әл-Фараби даңғылына дейін,
5. Әл-Фараби даңғылының оңтүстік жағымен Желтоқсан көшесіне дейін.
«Жолдардың жүктелу деңгейінің жоғары болуына байланысты қатысушыларға жарыстың басталу орнына («Нұрлы-Тау» БО) Әл-Фараби даңғылы мен Сейфуллин көшесінің қиылысына дейін автобуспен жетуге кеңес береміз. Сөре қалашығының жанында көлікті тұраққа қою қиын болатындығына назарларыңызды аударамыз»,- деді ұйымдастырушылар
Естеріңізге салайық, 20 ақпанда (жексенбі) «Winter Run» жарысы өтеді. Спорт әуесқойларына 3 км жүгіру қашықтығы ұсынылған. Олар:
3 км балалар қашықтығы,
10 км және 7 км скандинавиялық жүріс.
Қатысушылардың жас мөлшері – 10 жастан жоғары. Жарыс сөресі «Нұрлы-Тау» бизнес орталығының жанынан беріледі.
