WSB финалы: Сәкен Бибосынов кубалықтармен есепті теңестірді
АСТАНА. ҚазАқпарат - Қытайда WSB сериясы аясында өтіп жатқан "Астана арландары" мен "Куба Домадорес» командасы арасындағы финалдық кездесудің екінші кезеңі басталды, деп хабарлайды ҚазАқпарат тілшісі.
Бүгін шаршы алаңға бірінші болып "Арландар" сапынан 52 келі салмақта ел намысын қорғаған Сәкен Бибосынов есепті теңестірді. Ол аса тартысты өткен жекпе-жекте кубалық Хорхе Гринанды басымдылықпен ұтты. Төрешілер бірауыздан отандасымызды жеңімпаз деп таныды.
Естеріңізге сала кетейік, осыған дейін, яғни 26 қыркүйек күні финалдық кезеңнің алғашқы айқастарында кубалықтар 3:2 есебімен басым түскен болатын. Міне, бүгінгі шешуші сында Бибосынов есепті теңестіріп үлгерді.
