X Factor жобасының қатысушылары қайырымдылық концерт өткізеді
АЛМАТЫ. 20 сәуір. ҚазАқпарат /Нәзира Елеухан/ - X Factor жобасының қатысушылары мүмкіндігі шектеулі жандар үшін қайырымдылық концерт береді.
Бұл туралы бүгін Алматыда өткен арнайы баспасөз мәслихатында аталмыш шараның ұйымдастырушылары мәлім етті.
«Шара «Ретро шлягер» клубында өтеді. Наурыз мерекесіне арналған концертімізге 250-ден аса мүмкіндігі шектеулі жандар шақырылды. Біздің жобамызды Алматы интернационалдық әйелдер клубы, бизнес өкілдері және клубтың иесі, әнші Ерлан Көкеев қолдады», - деді X Factor жобасының баспасөз хатшысы Наталья Слуцкая.
