XVII ғасырдың құнды жәдігерін ұрлап кетті

АСТАНА. ҚазАқпарат - Санкт-Петербург қаласының тұрғыны үйіндегі XVII ғасырдан бері сақталып келе жатқан отбасылық жәдігер - иконның жоғалғанын айтып, полицияға шағымданды.

 Бұл туралы қала полициясы мәлім етті, деп хабарлайды ТАСС .

«Қаланың Приморск ауданында тұратын 60 жастағы зейнеткер әйелдің  XVII ғасырдан бері сақталып келе жатқан отбасылық иконының жоғалғаны туралы арыз полицияға  24 желтоқсан күні түсті», - деп жазылған хабарламада.

Зейнеткер жоғалған  затының құнын 300 мың рубльге бағалап отыр.