Ямайкада «Николь» тропикалық дауылынан 2 адам мерт болып, 12 адам із-түзсіз жоғалып кетті

АСТАНА. Қыркүйектің 30-ы. ҚазАқпарат - Ямайкада «Николь» тропикалық дауылы салдарынан 2 адам мерт болып, 12 адам із-түзсіз жоғалып кетті,

деп хабарлайды Associated Press.

Дауыл аралдағы мемлекеттен басқа Флорида, Багам, Кайман аралы мен Кубаға да жеткен. Қатты жауған жауынның соңы су тасқынына айналып, сел жүре бастаған. Дауылға зерттеу жүргізіп отырған Майамидегі АҚШ-тың Ұлттық орталығының мәліметінше, дауылдың кіндігінде қатты соқан желдің жылдамдығы сағатына 65 шақырымға дейін жетіп отыр.