«Яшлык» тобы сахнаға оралды

«Яшлык» тобының «Жаңару» дене жанды дауыстағы концерті Алматыдағы клубтардың бірінде өтті. Бұл туралы топтың жетекшісі Дильшад Ахмадиевтың Instagram-дағы парақшасында хабарланған. Топтың бұл «бастамаларына» қолдау білдіруге елдің танымал әншілері мен сазгерлері, сонымен бірге белгілі музыкалық бағдарламалардың жүргізушілері келген. Еске сала кетейік, 1974 жылы Мұрат Ахмадиев «Яшлык» вокалдық-аспаптық ансамблінің бірінші құрамын жинады. 1996 жылы «Яшлык» құрамы қайта жаңарды. Сол кезде Дильшад Ахмадиев оның жетекшісі атанды. Топтың ең танымал әні - «Нигара». Топтың осы аттас альбомы да бар. «Яшлык» 90-жылдардың ортасынан 2000-жылдардың бас кезіне дейін танымал болды, алайда одан кейін олар сахнада көрінбей кетті. Ұжымның мүшелері осыған дейін берген сұхбаттарында бір емес бірнеше рет өздерінің топ ретінде өнер көрсетпейтіндерін айтқан болатын.