Йеменде болған терактінің салдарынан 20 әскери азамат қайтыс болды
АСТАНА. ҚазАқпарат - Йеменнің Аден қаласында болған жарылыстан кемінде 20 әскери адам мерт болған. Бұл туралы Франс Пресс агенттігіне сілтеме жасап, Риа Новости хабарлады.
Агенттіктің мәліметтері бойынша, жарылысты жанкешті-содыр жүзеге асырған. Әзірге қайғылы оқиғаға қатысты өзге мәліметтер жария етілмей отыр. Бір апта бұрын Аден қаласының маңындағы әскери лагерьде ұйымдастырылған терактінің салдарынан 50-ге жуық адам қаза тапқан болатын.
