Йеменде екі жарылыс болып, 40-тан астам адам қаза тапты

АСТАНА. ҚазАқпарат - Аден порттық қаласында жанкештілердің екі жарылысы салдарынан ең кемі 41 адам мерт болды, деп хабарлады Йемен билігіне сілтемемен Би-би-си.

Шабуылға жауапкершілікті «Ислам мемлекеті» экстремистік тобы өз мойнына алды.

Бірінші жарылыс генерал Абдалла Субейхи үйінде орналасқан мобильді бекетте әскерге шақырушылардың кезегінің маңында орын алды. Шабуыл салдарынан 34 адам ажал құшты.

Кейін Бадр әскери базасында жарылыс болды: онда жеті адам қаза тапты.

Аденде уақытша Йемен үкіметі орналасқан. Оған Сауд Арабиясы өзінің одақтастарымен қолдау көрсетіп жатыр.

Йемендегі қақтығыс 2014 жылдан жалғасып келеді.