Йеменде садақа тарату кезінде кем дегенде 90 адам қаза тапты

АСТАНА. ҚазАқпарат - Хуситтердің «Аңсар Аллаһ» көтерілісшілер қозғалысы бақылауындағы Сана қаласында садақа тарату кезіндегі аласапыранның салдарынан кем дегенде 90 адам қаза тауып, 300-ден астам адам жарақат алды. Бұл туралы ҚазАқпарат ресейлік ТАСС ақпарат агенттігіне сілтеме жасап хабарлайды.

Оқиға бейсенбі күні түнде қаланың орталық бөлігінде орналасқан Баб-эль-Яман ауданында болған.

Телеарна мәліметінше, сығылысу «бірнеше көпестің» садақа таратуы кезінде болған, қазіргі кезде олардың екеуі қамауға алынған.

«Аңсар Аллах» Жоғары саяси кеңесінің басшысы Махди әл-Машат ведомствоның Twitter-дегі парақшасында хабарланғандай, оқиғаны тексеру үшін ішкі істер органдары мен прокуратура өкілдерінен комиссия құруды тапсырды.