Ыстамбұлдағы лаңкестік оқиғасы: Түркияда аза тұту күні жарияланды

АСТАНА. ҚазАқпарат - 11 желтоқсанда Ыстамбұлда сенбі күні кешке орын алған екі жарылыстың құрбандарын аза тұту бойынша өкімге премьер Бинали Йылдырым қол қойды, бұл туралы Anadolu агенттігіне сілтеме жасап, Life.ru хабарлады.

Елде тулар төмен түсірілді.

Еске салсақ, Ыстамбұлда "Бешикташ" - "Бурсаспор" ойынынан кейін екі жарылыс орын алды. Билік деректеріне сүйенсек, алдымен "Водафон-арена" стадионы маңында жарылғыш зат қойылған көлік жарылды, 45 секундтан кейін саябақта лаңкес жанкешті өзін жарып жіберді.

Соңғы деректерге сәйкес шабуыл салдарынан 29 адам - 27 полицей, екі қарапайым адам қайтыс болды. 166 адам жарақат алды. Лаңкестікке байланысты тоғыз адам ұсталды.