Ыстанбұл әуежайында апатқа ұшыраған ұшақ өртеніп кетті

АСТАНА. ҚазАқпарат - Бейсенбі күні кешқұрым Ыстанбұлдағы Ататүрік атындағы әуежайда жеке ұшақ құлады.

Апат салдарынан бір адам қаза тапты, деп хабарлайды Доган агенттігі. .

Куәгерлердің сөзіне қарағанда, ұшақ апаттық жағдайда қонуға әрекет жасаған, бірақ ұшу-қону жолағынан шығып кеткен. Ұшақ отқа оранды, салдарынан ұшқыш қаза тауып, төрт жолаушы жарақаттанған.

Апат себептері қазірге белгісіз.