Ыстықкөлде гидроцикл бойжеткен мен жігітті қағып, мерт қылды
ШОЛПАН-АТА. КАБАР – ҚазАқпарат – Шолпан-Ата қаласында Ыстықкөл жағажайында гидроцикл (су скутері) екі адамды қағып, мерт қылды. Тағы бір адам зардап шекті. Бұл туралы «Кабар» елдің денсаулық сақтау министрлігіне сілтеме жасап жазды, деп хабарлайды ҚазАқпарат.
Дәрігерлердің мәліметінше, оқиға салдарынан бойжеткен мен жігіт жарақат алып, қаза тапқан. «Тағы бір зардап шеккен қыз хирургия бөлімінде жатыр, оның миы шайқалған. Оның жағдайы тұрақты деп бағаланып отыр», - деді Қырғызстан денсаулық министрлігінен.
