ЮНЕСКО Әлемдік мұра ескерткіштерінің тізіміне 15 нысан қосты
АСТАНА. Тамыздың 2-сі. ҚазАқпарат - Біріккен Ұлттар Ұйымының Білім, ғылым және мәдениет мәселелері жөніндегі ұйымы (ЮНЕСКО) Әлемдік мұра ескерткіштерінің тізіміне 15 жаңа нысан қосты.
Олардың қатарына Тәжікстандағы көне Саразм елді мекені де кіріп отыр. Пенджикент аудан орталығының батысына қарай 15 шақырым жерде орналасқан көне Саразм қаласында жақсы сақталып жеткен біздің дәуірімізге дейінгі IV-II ғасырлардың сарайлары мен мәдени нысандары, қоғамдық және тұрғын үй құрылыстары бар, деп хабарлайды РБК агенттігі.
Оған қоса, ескерткіштер тізіміне Вьетнамдағы император сарайы, Қытайдағы храмдар, Ирандағы ежелгі базар, Австралияда XVIII ғасырда салынған алғашқы түзету колониясы және басқа да түрлі нысандар кіріп отыр.
