З.Дияс пен Я.Шведова Федерация кубогының бірінші тобының финалына шықты
АСТАНА. ҚазАқпарат - Қазақстан құрамасының теннисші қыздары Федерация кубогының бірінші тобының (Азия/Мұхит аймағы) финалына шықты, деп хабарлайды Sports.kz.
Бұл жолғы жерлестеріміздің қарсыластары Таиланд құрамасы болды. Бірінші кездесуде Ярослава Шведова Пеангтхан Плипхечтен басым түсті - 6:7, 7:5, 6:2, ал екінші матчта Зарина Дияс Ничу Летпитаксинчай есімді қарсыласын айқын басымдықпен ұтты - 6:0, 6:0.
Бірінші топтың финалдық ойындарында жерлестеріміз жапондық теннисші қыздармен бақ сынасады. Кездесу ертең - 7 ақпанда өтеді.
