Замбия билігі 2 мың сусиырдың көзін құртпақ
АСТАНА. ҚазАқпарат - Замбия билігі сусиырлардың санын бақылау бағдарламасының жаңартылуы туралы жариялады. Жоспарға сәйкес, елде екі мыңға жуық сүтқоректі жойылады, деп хабарлайды Reuters агенттігі.
Елдің туризм министрі Чарльз Банда бұл шешімді Луангва өзенінің тартылуымен түсіндірген. Ол сондай-ақ жануарларды елдің басқа ауданына тасымалдау Замбия бюджеті үшін қымбатқа түсетінін атап өтті.
Ведомство басшысының айтуынша, Оңтүстік Луангва ұлттық саябағын 13 мыңнан астам сусиыр мекендейді, алайда бұл аумақ тек 5 мың сүтқоректінің өмір сүруіне лайықты. Олардың осылайша көбеюі экожүйеге қауіп төндіреді.
