Заң шығарушылар мен металлургтер арасында футболдан жарыс өтеді
АСТАНА. Наурыздың 9-ы. ҚазАқпарат - Ертең, наурыздың 10-ы күні Парламент Мәжілісі депутаттарының қатысуымен футболдан биылғы көктемдегі алғашқы турнир өтеді,
деп хабарлайды ҚазАқпарат.
«Алатау» спорт кешенінде парламентшілер Теміртау қаласынан келген Қазақстан Магниткасы ардагерлерімен достық кездесу өткізеді.
Жеңімпаз командаға парламенттік кубок табыс етіледі. Жанкүйерлердің ықыласына бөленген ойыншылар да үздік спортшыларға берілетін марапаттарға ие болмақ. Турнирді ұйымдастырушылар заң шығарушылар мен металлургтер арасында өтетін қызықты кездесуді тамашалауға есік ашық екенін айтады.
