Заң жобасы мемлекеттік органдардың бақылау-қадағалау қызметінің жалпы мәселелерін реттеуге бағытталған
АСТАНА. Қазанның 27-сі. ҚазАқпарат - Үкімет Мәжіліске «Қазақстан Республикасындағы мемлекеттік бақылау және қадағалау туралы» заң жобасын ұсынды. Бұл заң жобасы Қазақстан Республикасы Президентінің 2008 жылғы қарашаның 6-сында Сыбайлас жемқорлыққа қарсы форумда берген тапсырмаларын орындауға бағытталған,
деп хабарлайды ҚазАқпарат.
Мемлекеттік әкімшілік органдарының бақылауы мен қадағалауы бір жағынан мемлекеттік басқаруды, екінші жағынанан заңдылықты қамтамасыз ету тәсілдерін білдіре отыра, институционалдық ұйымдастыру және осы қызметтің мазмұны жағынан да және тексерушілер мен тексерілетіндердің тікелей байланыстар жағынан да қашан да әкімшілік заңнамалық өзекті мәселелерінің бірі болып табылады. Көрсетілген қызмет қашан да билік өкілеттіктерінің байқалуымен, бақылаудағы және қадағалаудағы субъектілер үшін белгілі бір құқықтық салдарлармен байланысты, бұл сыбайлас жемқорлық құқық бұзушылықтарды жорамалдайды.
Осы заң жобасымен мемлекеттік органдардың бақылау-қадағалау қызметінің жалпы мәселелерін реттеуге және оның негізгі қағидаларын белгілеуге бірыңғайлы құқықтық негіз қалыптастыру көзделеді. Бұл ретте құқықтық реттеу жеке салаларының спецификасын ескере отырып, мемлекеттік бақылау және қадағалау жүргізудің ерекшеліктерін салалық заңнамалық актілерде қалдыру ұсынылды.
Заң жобасымен бақылау және қадағалау түрлері белгіленді, бақылауға (қадағалауға) жататын субъектілерге тексеруді жүзеге асыру мәселелері реттеледі.
Бұдан басқа, құқық қолдану тәжірибесінде бірыңғайлы түсіну қамтамасыз ету мақсатында, заң жобасының шеңберінде бақылау және қадағалау ұғымдарын ажырату жүргізілді.
Заң жобасының мазмұны мен тұжырымдамасы Қазақстан Республикасының Конституциясына және Қазақстан Республикасының басқа да заңнамалық актілеріне қайшы келмейді.
