Заңнамалық жұмыстардың маңызды аспектісі - «жасыл экономикаға» көшу үшін құқықтық жағдай жасау - Елбасы
АСТАНА. 3 тамыз. ҚазАқпарат - Заңнамалық жұмыстардың маңызды аспектісі - жаңаратын энергетика мен экологиялық таза технология негізделген «жасыл экономикаға» көшу үшін құқықтық жағдай жасау.
Бұл туралы бүгін ҚР Парламентінің бесінші шақырылымының екінші сессиясының ашылуы барысында сөз сөйлеген Мемлекет басшысы Нұрсұлтан Назарбаев мәлімдеді.
Өз сөзінде аграрлық, индустриалды-инновациялық және қаржы секторларына жаңа заңнамалық нормалар енгізу маңыздылығына тоқталған Мемлекет басшысы: «Заңнамалық жұмыстардың маңызды аспектісі - жаңаратын энергетика мен экологиялық таза технология негізделген «жасыл экономикаға» көшу үшін құқықтық жағдай жасау. Біздің «Жасыл көпір» жаһандық бастамамыздың мәні де осында», - деді.
Сондықтан да Елбасы энергия және суды үнемдеу, «жасыл технологияларды» пайдалану, экологиялық туризмді дамытуды заңнамалық ынталандыруды кеңейту қажеттігін баса айтты.
