Зарина Дияс Australian Open жарысында екінші айналымға өтті

АСТАНА. ҚазАқпарат - Қазақстанның бірінші ракеткасы Зарина Дияс Мельбурнде өтіп жатқан теннис бойынша (Australian Open) Австралия ашық чемпионаты - «Үлкен дулыға» сериясы турнирінің маусымында екінші айналымға өтті, деп хабарлады Vesti.kz. тілшісі.

Бірінші партияда польшалық теннисші 6:3 есебімен басымдылық көрсетсе, екіншісінде қазақстандық 6:4 есебімен есе қайырды.

Шешуші сетті Зарина брейктен бастады, қарсыласы да қарсы жауап қайтара білді. Алайда қазақстандық үш рет қатарынан ұпай санын толықтырып, нәтижесінде қазақстандық 6:2 есебімен партияны, сонымен бірге ойынды жеңіп шықты.

Жарыстың келесі айналымында Зарина Дияс үш сетте ОАР-дан келген Шанель Схеперті 6:4, 4:6, 6:6 есебімен ұтқан словакиялық теннисші Анна Шмидловамен бақ сынасады.

Australian Open жарысында кейіннен тағы бір қазақстандық теннисші Ярослава Шведова ойын көрсетеді. Бірінші айналым бойынша оның қарсыласы чехиялық Люси Шафаржова.