Зеленский Путиннің үш күндік бітімгершілік туралы ұсынысынан бас тартты

АСТАНА. KAZINFORM – Владимир Зеленский Владимир Путиннің 7-9 мамыр аралығында үш күндік атысты тоқтату туралы ұсынысын қабылдамады. Бұл туралы Украина президенті журналистермен өткен баспасөз мәслихатында мәлімдеді, деп хабарлайды Kazinform Euronews арнасына сілтеме жасап.

Зеленский кем дегенде 30 күндік атысты тоқтатуды жариялауды ұсынды. 

– Шартсыз атысты тоқтату – америкалықтар ұсынған үлгі. Біз онымен жүріп келеміз. Иә, 30 күндік атысты тоқтату туралы бітімгершілікті жасап көрелік. Өйткені үш, бес, жеті күнде ештеңеге үлгеру, келісу мүмкін емес, - деді Владимир Зеленский. 

Еске сала кетейік, бұған дейін Украина президенті Владимир Зеленский Киевтің атысты тоқтатуға дайын екенін айтқанын жазған едік.