Зергерлік бұйымдардың көбі сынамасыз сатылады – Қуаныш Елікбаев

Зергерлік бұйымдардың көбі сынамасыз сатылады – Қуаныш Елікбаев
Фото: Алина Тулеубаева/Kazinform

Қазақстанда сатылатын зергерлік бұйымдардың көпшілігінде сынама жоқ. Бұл туралы ҚР Сауда және интеграция министрлігі техникалық реттеу және метрология комитетінің төрағасы Қуаныш Елікбаев мәлім етті, деп хабарлайды Kazinform. 

«Зергерлік бұйымдарды сату маңызды мәселеге айналды. Кез келген азамат зергерлік бұйымдар сатып алады, алайда оның қазақстандық таңбасы болуы керек. Сатуға шығарылған зергерлік бұйымдардың сынамасы расталып әрі сараптамадан өтуі тиіс», - деді Қуаныш Елікбаев Орталық коммуникациялар қызметі алаңында өткен баспасөз мәслихатында.

Оның айтуынша, келесі жылы кешенді тексеру жұмыстары жүргізіледі.

«Тауар біздің елімізде сараптамадан өтпеген. Осындай 36% заңбұзушылық жойылды. Олардың сынақтан өтпегені расталды және мемлекеттік органдарға хабарлай отырып, зергерлік бұйымдарды сату тоқтатылды. Дегенмен зергерлік бұйымдарды сатушылардың 654 субъектісі талапты орындамады. Сондықтан келесі жылы кешенді тексеру жүргіземіз», - дейді комитет басшысы.

Соңғы жаңалықтар