Зейнет жасындағы 7 мың мәскеулік медицина қызметкері жұмыстан босатылуы мүмкін
АСТАНА. ҚазАқпарат - Мәскеудің денсаулық сақтау департаментінің жетекшісі Алексей Хрипун Ресей астанасының зейнет жасындағы және зейнетке дейінгі жастағы жеті мың дәрігерін жұмыстан босату мәселесі қаралып жатқанын мәлімдеді, деп жазады ВВС.
«Жұмыстан босатылуы мүмкін зейнеткерлердің саны 7 мың: 5 мыңы - зейнет жасындағылар және 2 мыңы зейнет жасына шығуға жақын қалғандар , яғни екі жылдан кейін зейнеткер атанатындар. Жұмыстан шығару мәселесін біздің медициналық ұйымдар әлі зертеп жатыр, нақты шешім емес», - деді Хрипун.
Осыған дейін Ресейдің БАҚ-тарында Мәскеудің денсаулық сақтау жүйесін қайта құру барысында бірқатар ауруханалар жабылатыны хабарланған болатын. 2 қараша күні Мәскеуде медицина қызметкерлері денсаулық сақтау реформасына қарсы шеруге шықты.
