Жағажай волейболы: Таиландта қазақстандық жұп жүлде алды
НҰР-Сұлтан. ҚазАқпарат - Дмитрий Яковлев пен Сергей Богату жұбы жағажай волейболынан биылғы маусымдағы алғашқы жүлдесін иеленді. Олар Таиландта өтіп жатқан әлемдік серия аясындағы жарыста қола медаль тағынды деп хабарлайды Olympic.kz.
Қола медаль үшін өткен тартысты кездесуде қазақстандықтар жарыс қожайыны, тайландтық жұпты 2:1 есебімен жеңді.
Еске сала кетейік, жартылай финалда Яковлев/Богату жұбы украиналық қарсыластарынан ұтылған болатын.
