Жағажайдағы Азия ойындары: Қазақстан әйелдер құрамасы Макао командасын жеңді
АСТАНА.KAZINFORM - Қазақстан әйелдер құрамасының жағажай волейболшылары Екатерина Рюхова мен Кристина Каримова Қытайдың Санья қаласында өтіп жатқан 2026 жылғы жағажайдағы Азия ойындарында кезекті жеңісіне қол жеткізді.
24 сәуір күні қазақстандық жұп Макао өкілдері Никола Лам мен Ин У Ианға қарсы ойнап, 2:0 есебімен басым түсті (21:14, 21:10).
Айта кетейік, Рюхова мен Каримова жарыстың алғашқы матчында Моңғолия құрамасын да жеңген болатын. Ал Лаура Қабылбекова мен Надежда Иванченко бұл жолы жеңіліс тапты.
ҚР ҰОК мәліметінше, олар Макаоның Иенг О Леонг / Вэн Сам Лоу жұбына 0:2 есебімен есе жіберді (9:21, 14:21).
Айта кетейік, жағажайдағы Азия ойындарының кезекті матчтарында Қазақстанның ерлер құрамасы сәтті өнер көрсетті.
Джитсер Нұржан Батырбеков жағажай Азиадасының алтын жүлдесі үшін күреседі.
