Жағдайы төмен отбасылардың балаларына арналған компьютерлік сынып ашылды

 деп хабарлайды ҚазАқпарат.

 Компьютерлік сыныпты Ауған соғысы ардагерлері үйлестіру кеңесінің және Алматы қаласы Түрксіб ауданы әкімшілігінің қолдауымен еріктілердің «SOS тобы» бағыт - бағдар беру орталығы ашып отыр. Бұл орталық  «Seimar Social Fund" қайырымдылық қоры мен БҰҰ еріктілер бағдарламасының бастамасымен  құрылған.

  "Компьютерлік сыныпты ашудағы негізгі мақсат - әлеуметтік жағдайы төмен отбасылардың балаларына   компьютерді еркін меңгеруге, интернетті тағы да басқа бағдарламаларды  білулеріне мүмкіндік жасау, сонымен қатар компьютер маманы деген кәсіп иесінің жұмыстарымен таныстыру болып табылады",- дейді «SOS тобы» бағдар беру орталығының өкілдері.

 Орталықта жағдайы төмен отбасылардың балалары компьютер сабақтарын 3 ай бойы тегін оқи алады. Сабақтарды орталықтың ерікті IT - кәсіби мамандары үйретеді. Балалар үшін арнайы бағдарламалар әзірленген.