Жак Рогге Халықаралық олимпиадалық комитеттің төрағасы болып қайта сайланды
АСТАНА. Қазанның 9-ы. ҚазАқпарат - Бельгиялық Жак Рогге жұма күні Копенгагенде өткен Халықаралық олимпиадалық комитеттің сессиясында жаңа төртжылдық мерзімге ұйымның президенті болып қайта сайланды,
деп хабарлайды ресейлік «Жаңалықтар» агенттігі Рейтер агенттігіне сілтеме жасап.
Халықаралық олимпиадалық комитеттің сегізінші президенті 67 жастағы Жак Рогге бұл лауазымға 2001 жылы Мәскеуге өткен сессияда сайланып, Хуан Антонио Самаранчтың орнын ауыстырған болатын.
