Жақияновтың промоутері: «Жанат - алғашқы чемпионым»
АСТАНА. ҚазАҚпарат - Жанат Жақияновтың промоутері және бапкері Рикки Хаттон боксшының бүгінгі жеңісінен кейін «Бұл менің алғашқы чемпион шәкіртім» деп, өз пікірін білдірді.
Естеріңізге сала кетейік, бүгін Американың Толедо қаласында қазақстандық Жанат Жақиянов (26-1, 18КО) пен америкалық Роуши Уоррен (14-1, 4КО) жеңіл салмақтағы WBA (Super) және IBO тұжырымдары бойынша әлем чемпионы атағын сарапқа салып, нәтижесінде қазақ боксшысы төрешілердің шешімімен жеңімпаз атанған-ды.
Жекпе-жектен кейін, Жақияновтың промоутері және бапкері Рикки Хаттон өзінің Твиттер желісіне: «Жақиянов үшін қатты қуаныштымын. Бұл менің алғашқы чемпион шәкіртім», - деп жазды.
