Жамбыл облысында екі жасөспірім өз-өзіне қол жұмсады
АСТАНА. KAZINFORM – Расталмаған мәліметтерге сәйкес, бүгін таңертең тоғызыншы сыныптың екі оқушысының денелері қорадан табылды, деп хабарлайды Kazinform тілшісі.
Қайғылы оқиға таңертең Қордай ауданының Қаракемер ауылында болды. Алдын ала мәлімет бойынша, екі жасөспірім өздеріне қол жұмсаған, бірақ ешқандай жазба қалдырған жоқ.
Қазіргі уақытта тергеушілер балалардың байланыста болған барлық адамдар – көршілері, достары және мектеп мұғалімдері сұрастырылып жатыр.
Полиция департаменті әлеуметтік желілерде пайда болған ақпаратты растады.
- Қордай ауданындағы суицид фактісі бойынша қылмыстық іс қозғалды. Қазіргі уақытта оқиғаның мән-жайын жан-жақты, толық және объективті түрде анықтау үшін қажетті тергеу іс-шаралары жүргізіліп жатыр. ҚР Қылмыстық-процессуалдық кодексінің 201-бабына сәйкес, тергеу мүддесі үшін басқа ақпарат жария етілмейді, - деп хабарлады ведомство.
Айта кету керек, 2026 жылы Қордай ауданынан қайғылы оқиғалар туралы ақпарат келіп түсіп отыр – бір айдан астам уақыт бұрын ғана басқа ауылдарда тағы екі бала өз-өзіне қол жұмсаған болатын.
Осыған дейін Шымкентте оқушылар арасында 11 суицид фактісі тіркелгенін жаздық.
