АҚШ Израильді Газадағы гуманитарлық жағдайды жақсартуға шақырды
АСТАНА. KAZINFORM – АҚШ билігі Израильді егер билік Газа секторындағы гуманитарлық жағдайды жақсартуға бағытталған шаралар қабылдамаса және 30 күн ішінде анклавқа гуманитарлық көмектің жеткізілуін қамтамасыз етпесе, Израильге әскери қолдауды қысқартуы мүмкін екенін ескертті, деп хабарлайды ВВС.
Бұл ескерту ХАМАС-тың Израильге бұрын-соңды болмаған шабуылынан кейін бір жыл өткен соң жасалды.
Өткен жексенбіде Израиль Қорғаныс министрі Йоав Галантқа жолданған хатта АҚШ Мемлекеттік хатшысы Энтони Блинкен мен Пентагон басшысы Ллойд Остин Газаға көрсетілетін көмектің көлемін ұлғайтып, осы уақытқа дейін жеткізіліп келген деңгейге дейін жеткізуді қамтамасыз ету үшін нақты шаралар қабылдауға шақырды, деп хабарлады Мемлекеттік департамент өкілі Мэттью Миллер.
«Қыркүйек айында Газаға келген көмектің көлемі өткен жылдың ең азы болды. Гуманитарлық жағдайды қалпына келтіру үшін Израиль бүгіннен бастап және 30 күн ішінде нақты шаралар қабылдауы керек», - делінген хат мәтінінде. Хат туралы бірінші болып Axios басылымы хабарлады.
Онда сондай-ақ америкалық көмекті жеткізуге кедергі келтіретін елдерге әскери көмек көрсетуге тыйым салатын АҚШ заңдарының тізімі келтірілген. АҚШ Мемлекеттік департаменті бұл хаттың құпия болғанын мәлімдеді.
