Жамбыл облысында 100 гектар жерді шарпыған өрт сөндірілді
АСТАНА. ҚазАқпарат - Жамбыл облысында тұтанған құраған шөп өрті сөндірілді, деп хабарлайды ҚазАқпарат ІІМ Төтенше жағдайлар комитетінің баспасөз қызметіне сілтеме жасап.
Еске сала кетейік, оқиға кеше, 4 мамыр күні шамамен 14 сағат 57 минут кезінде болған. Өртенген аумақ Жамбыл облысының Байзақ ауданындағы орман және жануарлар әлемін қорғау мемлекеттік мекемесіне («Белқұдық-Қарамату» бөлігі) тиесілі. Жалын шарпыған аумақ алдын ала мәліметтер бойынша 100 гектарды құрап отыр.
«Өрт 23:00-де ауыздықталып, 5 маусым күні 01:20-да толықтай сөндірілді. Құрбан болғандар жоқ, ешкім зардап шекпеген», - деп мәлімдеді Төтенше жағдайлар комитетінің ресми өкілі Руслан Иманқұлов.
