Жамбыл облысында 80 жастағы қария 5 жасар қызға алма беріп, ұялы телефонын алып кеткен

None
ТАРАЗ. ҚазАқпарат - Жамбыл облысы Байзақ ауданының полиция бөліміне 5 жасар қыздың ата-анасы шағымданып, белгісіз қарт кісінің кәмелетке толмаған қызының смартфонын алып кеткенін хабарлаған, деп жазды ҚазАқпарат тілшісі.

Күдікті бағасы 132 мың теңге тұратын ұялы телефонды бүлдіршінге алма беру арқылы алдап, айырбастап алған.

Жамбыл облыстық полиция департаменті баспасөз қызметінің хабарлауынша, күдікті ретінде 80 жастағы ер адам ұсталған. Ол өзінің кінәсін толық мойындаған.

Ұялы телефон тәркіленіп, ҚР ҚК 190-бабы 1-бөлігі бойынша сотқа дейінгі тергеу амалдары басталды.

Бұған дейін Тараз тұрғынынан «синтетиканың» 75 орамы тәркіленгенін https://kaz.inform.kz/news/taraz-turgynynan-sintetikanyn-75-oramy-tarkilendi_a4065766 жазған болатынбыз. Есірткі қылмысына қарсы іс-қимыл басқармасының қызметкерлері есірткі заттарын аса ірі мөлшерде сақтады деген күдікпен Тараз қаласының тұрғынын ұстады.

Бұған дейін Тараз қаласының тұрғыны алаяқтық дерегі бойынша полицияға арызбен жүгінгенін жазған болатынбыз.

Айтуынша, биылғы қаңтар айында таныс әйел оны мектепке мұғалім болып жұмысқа орналастыруға уәде беріп, өзінің «қызметі» үшін 700 мың теңге алған. Полиция қызметкерлері жедел-іздестіру іс-шараларын жүргізу барысында облыс орталығының 48 жастағы тұрғынын анықтады. Әйел өз кінәсін мойындады. Ол «келу туралы міндеттемемен» босатылды.


Соңғы жаңалықтар