Жамбыл облысында автобус пен автокөліктің соқтығысуы салдарынан үш адам көз жұмды
АСТАНА. Шілденің 24-і. ҚазАқпарат - Жамбыл облысында Тараздағы айналма жол мен Тараз-Сарыкемер тас жолының қиылысқан жерінде «Ванхол» рейстік автобусы мен «Ауди» автокөлігі соқтығысып қалды,
деп хабарлайды Төтенше жағдайлар министрлігінің баспасөз қызметінен.
Оқиға кезінде автобустың салонында 43 адам болған. Жол-көлік оқиғасының салдарынан «Ауди» көлігінің 49 жастағы жүргізушісі, жеңіл көлік пен автобустың 48 және 49 жастағы екі жолаушысы оқиға орнында көз жұмған. Сондай-ақ автобустың бес жолаушысы түрлі жарақатпен ауруханаға түскен.
