Жамбыл облысында «Батыс Еуропа - Батыс Қытай» жобасы бойынша құрылыс жұмыстары жоспарланған уақытынан ерте басталды - ККМ
АСТАНА. 2 сәуір. ҚазАқпарат - 2011 жылғы 1 сәуірде «Батыс Еуропа - Батыс Қытай» жобасының Жамбыл облысы бойынша бас мердігерлердің бірі болып табылатын «Қазақжолқұрылыс» ЖШС Тараз - Қордай автожолының 404 - 443 км учаскесінде цемент-бетон жамылғысын төсеуге кірісті.
ҚР ККМ баспасөз қызметінің хабарлауынша, ауа райының қолайлы болуы мен қажетті мөлшерде материалдардың әзірленіп, техниканың жұмылдырылуы құрылыс жұмыстарын бір ай бұрын бастауға мүмкіндік берді.
Қазіргі таңда «Қазақжолқұрылыс» компаниясы 5 миллиард теңгеден артық қаржы меңгерді. Құрылыс жұмыстарына 580 адам тартылды, олардың 363-і жергілікті тұрғындар. 134 жол-құрылыс техникасы мен 165 автокөлік жұмылдырылды.
