Жамбыл облысында қаржы және ішкі саясат басқармасына жаңа басшылар тағайындалды
Жамбыл облысы әкімінің өкімімен Боранбаева Ғалия Бектенқызы Жамбыл облысы әкімдігінің ішкі саясат басқармасының басшысы болып тағайындалды.
Боранбаева Ғалия Бектенқызы 1971 жылы туылған, білімі жоғары, 2002 жылы Қазақ мемлекеттік қыздар педагогика институтын «Орыс тілі мен әдебиеті пәнінің мұғалімі», 2009 жылы Тараз мемлкеттік педагогикалық институтын «Қазақ тілі мен әдебиеті магистрі» мамандығы бойынша бітірген.
Еңбек жолын 1993 жылы К.Маркс атындағы орта мектебінің орыс тілі және әдебиеті пәні мұғалімі болып бастаған.
1998-2001 жылдары Жамбыл атындағы №5 мектептің орыс тілі пәні мұғалімі, 2002-2010 жылдары М.Х.Дулати атындағы Тараз мемлекеттік университетінің «Тараз университеті» баспасының редакторы, 2010-2013 жылдары М.Х.Дулати атындағы Тараз мемлекеттік университетінің «Университет тынысы» газетінің редакторы, 2013-2015 жылдары М.Х.Дулати атындағы Тараз мемлекеттік университетінің медиа қызметінің баспасөз хатшысы, 2015-2017 жылдары Жамбыл облысы әкімдігінің тілдерді дамыту басқармасының басшысы қызметтерін атқарған.
Сондай-ақ, облыс әкімінің өкімімен Қайнареков Гамлет Төреханұлы Жамбыл облысы әкімдігінің қаржы басқармасының басшысы болып тағайындалды.
Қайнарбеков Гамлет Төреханұлы 1968 жылы туылған, білімі жоғары, 1995 жылы Санкт-Петербург мемлекеттік экономика және қаржы университетін «экономист» мамандығы бойынша бітірген, экономика ғылымдарының кандидаты.
Еңбек жолын 1999 жылы Алматы қаласында «Маконсалт» ЖШС-да консультант болып бастаған.
1999-2000 жылдары «Авто-Меркур» ЖШС-нің экономисі, 2000-2001 жылдары «Көмір Банк» басқармасының төраға көмекшісі, 2001 жылдың маусым-қазан айлары аралығында «Көмір Банк» басқармасында бас маман, 2001-2002 жылдары «Trabolt-Қазақстан» ЖШС-нің атқарушы директоры, 2002 жылдың сәуір-маусым айлары аралығында «Маконсалт» ЖШС-нің бас консультанты, 2002-2004 жылдары Қызылорда облысы әкімінің көмекшісі, 2004 жылдың маусым-желтоқсан айлары аралығында Қызылорда облысының өнеркәсіп және көлік басқармасы бастығының орынбасары, 2005 жылдың қаңтар-маусым айлары аралығында Қызылорда облысының жолаушылар көлігі және автомобиль жолдары басқармасы бастығының орынбасары, 2005-2007 жылдары Жамбыл облысы әкімі аппаратының ұйымдастыру-инспекторлық бөлімінің бас инспекторы, 2007 жылдың сәуір-қазан айлары аралығында «Атакент» Қазақстан іскер ыңтымақтастық орталығында бас менеджер, 2007-2008 жылдары «Әулие-Ата-Атакент» ЖШС-нің директоры, 2008-2009 жылдары «Кардиохирургия орталығы» ЖШС-і директорының орынбасары, 2010-2011 жылдары Жамбыл облысы әкімі аппаратының кадрлық жұмыс бөлімінің меңгерушісі, 2011-2017 жылдары Жамбыл облысы әкімдігінің дене шынықтыру және спорт басқармасының басшысы қызметтерін атқарған.