Жамбыл облысының ауыл тұрғындары дағдарысты сезінбейді
ЖАМБЫЛ ОБЛЫСЫ. Маусымның 4-і. ҚазАқпарат /Галина Скрипник/ – Бүгін ҚР Мемлекеттік хатшысы Қанат Саудабаев өзінің Жамбыл облысы бойынша жасаған жұмыс сапарында облыстың ауыл шаруашылығы қызметкерлерімен кездесті,
деп хабарлайды ҚазАқпарат тілшісі.Қ.Саудабаев болған шаруашылықтардың бірі ? «Әубәкір Халилов» шаруа қожалығы. Шаруашылық 1999 жылдан бері алма бағын өсірумен айналысады. Қазіргі уақытта мұнда екі бағбан алты гектар жерге отырғызылған көшеттерді күтіп-баптаумен айналысады, бес заманауи техника бар, алманың «Голден-делишес» сұрпының түсімі гектарына орташа 200 центнерді құрайды.«Жамбыл облысының ауыл тұрғындары дағдарысты аса сезінбейді. Дағдарыс жөнінде біздер тек теледидардан көреміз және радиодан ғана естиміз, ? деді Қ.Саудабаевпен болған сұхбатта осы шаруа қожалығының жетекшісі Әубәкір Халилов. ? Жұмысымыз бар. Балаларымыз жақсы орта мектепте білім алуда. Біз ертеңгі күнге сеніммен қараймыз».
