Жамбыл облысының тұрғыны «Қырым-қанды безгегі» ауруын жұқтырғаны расталды - ҚР Денсаулық сақтау министрлігі

АСТАНА. 5 мамыр. ҚазАқпарат - Қазақстан Республикасы Денсаулық сақтау министрлігінің Мемлекеттік санитарлық-эпидемиологиялық бақылау комитеті ағымдағы жылдың 5 мамыры күні Жамбыл облысы Сарысу ауданының тұрығынан қырым-қанды безгегі ауруының белгісі анықталғаны зертханалық жолмен дәлелденгендігін хабарлады.

ҚР Денсаулық сақтау министрлігінің таратқан баспасөз баянында ауру табиғи ошақтан жұқты деп атап көрсетілген.

Үстіміздегі жылдың 27 сәуірі күні науқас Саудакент ауылының орталық аудандық ауруханасының жұқпалы аурулар бөлімі филиалына кене шағып түскен.

Қырым-қанды безгегі ауруын анықтау үшін жүргізілген зертханалық зерттеу нәтижелері расталды. Науқастың жағдайы қанағаттанарлық.

Ауру шыққан ошақта Жамбыл облысы мемлекеттік санитарлық-эпидемиологиялық бақылау департаменті мен денсаулық сақтау басқармасының мамандар тобы жұмыс істеуде.