Жамбыл өңірінде 11 медициналық ұйымға «Е-Kezek» электронды жүйесі енгізілуде

ТАРАЗ. ҚазАқпарат - Жамбыл облысында 11 медициналық ұйымға «Е-Kezek» электронды жүйесі енгізіліп жатыр, деп хабарлайды ҚазАқпарат  облыс әкімінің баспасөз қызметіне сілтеме жасап.

Елбасы Нұрсұлтан Назарбаев 5 қарашадағы «Қазақстандықтардың әл-ауқатының өсуі: табыс пен тұрмыс сапасын арттыру» атты Қазақстан халқына Жолдауында тиісті салалар бойынша нақты ұсыныстар айтқан болатын. Сондай-ақ, Мемлекет басшысы өз Жолдауында меди­ци­налық қызмет сапасы халықтың әлеуметтік көңіл-күйінің аса маңызды компоненті екендігін және ауылдық жерлерде алғашқы медициналық-санитарлық көмек қолжетімді болуы тиіс екендігін атап өтті. Бұл ретте Жамбыл облысында 95 алғашқы медициналық көмек нысанын салу қажетті­гі туындап отыр. Жыл соңы­на дейін мемлекет-жекеменшік әріптестік шеңберінде 30 нысанды пайдалануға беру жоспарланса, бюджет есебінен 9 нысан пайдалануға берілмек. Бюджет қаражатын үнемдеу негізінде 95 нысанның құрылысын жүргізу мерзімі 8-10 жылдан 3 жылға қысқар­ғанын айта кету керек. Нәтижесінде құрылысқа жұмса­латын 6,5 миллиард теңге мем­лекеттік-жекеменшік әріптестік аясында 2,3 миллиард теңгеге де­йін қыс­қартылып, қаржы едәуір үнемделеді. 

Ал Жолдаудағы алғашқы ме­ди­циналық-санитарлық көмек көрсететін қызметкерлерді ынталандыру және ауруларды емдеу ісін басқарудың жаңа тәсіл­дерін енгізген учаскелік ме­ди­цина қыз­мет­керлерінің жалақы­сын кезең-кезеңмен көбейту бағы­тын­­да емдеу ісін басқару бағ­дар­ламасы өңірдегі 20 емха­наға жүкте­ліп, 180 маман оқытылды. Осы бағдарламаның жаңа тәсіл­дерін енгізген учаскелік ме­дицина қызметкерлерінің жала­қысы кезең-кезеңмен 20 па­йыз­­ға көбейтілетін болады. 

«Сонымен қатар облыс бо­йынша 11 медициналық ұйымға «Е - Kezek» электрондық кезекті енгізу үшін жергілікті бюджет есебінен 73 миллион теңге бөлінген. Қазіргі таңда облыстағы 43 денсаулық сақтау мекемесінде 8686 медициналық қызметкер ақпараттық жүйелер бойынша жұмыс істейді. Ақпараттық жүйелерге 732 946 электрондық денсаулық паспорты енгізілген. «Халықты тіркеу регистрі» ақпарат­­тық жүйесіне тіркелген­дер халық санының 65,9 пайы­зын құраса, 2019 жылдың 1 қаң­тары­на 100 пайызды құрайтын бола­ды» делінген хабарламада.

Қатерлі ісіктердің аурушаң­дығын, өлімін төмендету және онкологиялық қызметтің сапасын арттыру мақсатында облыс­та онкологиялық диспансердің құрылысы жүргізіліп жатыр.