Жамбылда 48 жолаушысы бар автобустың жеңіл автокөлікпен соқтығысуы болды
АСТАНА. Қарашаның 25-і. ҚазАқпарат - Жамбыл облысында «ВАЗ» автокөлігі мен 48 жолаушысы бар «Мерседес» автобусының соқтығысуы орын алды,
деп хабарлайды ҚазАқпарат ҚР ТЖМ-ға сілтеме жасап.
Жол-көлік оқиғасы сейсенбі күні 23.30-да Алматы-Ташкент автожолының 397-ші шақырымында орын алды. Оның салдарынан «ВАЗ» автокөлігінің 51 жастағы жолаушысы оқиға орнында көз жұмса, оның жүргізушісі мен автобустың Өзбекстан азаматтары болып табылатын үш жолаушысы ауруханаға жеткізілді.
