Жәмила Бақбергенова UWW әлемдік рейтингінде үздік үштікке енді

АСТАНА. KAZINFORM – Біріккен күрес әлемі (UWW) жаңартылған әлемдік рейтингін жариялады. 

Әйелдер күрестінен Қазақстан құрамасының мүшесі Жәмила Бақбергенова 72 келі салмақ дәрежесінде өз позициясын жақсартып, төртінші орыннан екінші орынға көтерілді. Оның еншісінде 45 000 ұпай бар. 

Ал, рейтингінің көшін жапониялық Ами Исии бастаса, үздік үштікті румыниялық Александра Николета Ангел түйіндеп тұр. 

Айта кетсек, жақында өткен әлем чемпионатында Бақбергенова финалға шығып, жоғарыда аталған Исииге есе жіберген еді.

Бұған дейін Жәмила Бақбергенованың үш мәрте әлем чемпионатының күміс жүлдегері атағына қол жеткізгені туралы жазған едік.