«Жаңа Қазақстан» депутаттық тобы Қазақстан халқы Ассамблеясының жүлдесін тағайындауды көздеп отыр

АСТАНА. Шілденің 2-сі. ҚазАқпарат /Айдын Бәймен/ Парламент Мәжілісіндегі «Жаңа Қазақстан» депутаттық тобы Қазақстан халқы Ассамблеясының жүлдесін тағайындауды көздеп отыр.

Осы мәселе жөнінде депутаттық топ жетекшісі Қайрат Сәдуақасов ҚазАқпарат тілшісіне түсінік берді, деп хабарлайды ҚазАқпарат.

«Мұндай жүлдені белгілеу өзіміздің жылдық жоспарымыздабелгіленген. Қазақстан халқы Ассамблеясы жүлдесімен этносаралық келісімді және ұлтаралық қарым-қатынасты нығайтуға елеулі үлес қосқан азаматтар марапатталатын болады. Қазақстан халқы Ассамблеясының жүлдесі елдің іргесін нығайтуға қосқан үлесіміз болып табылады»,- деді Мәжіліс депутаты Қайрат Сәдуақасов.