Жаңа Зеландияда алтын мен күмістің орасан зор қоры табылды
АСТАНА. ҚазАқпарат - АҚШ пен Жаңа Зеландияның геофизиктері Солтүстік аралының жерасты су қоймаларында алтын мен күмістің ірі қоры бар екендігін анықтады.
Геофизиктер Солтүстік аралындағы Таупо жанартау аймағында орналасқан. бағалы металдардың алты ірі кенішін тапқан. Ғалымдардың бағалауынша, бұл бағалы металдарды өндіруді ұйымдастыру жағдайында алтыннан жылына үш миллиард доллар және күмістен 3,5 миллиард доллар алуға болады. Геофизиктердің атап өтуінше, металдарды, әсіресе екі учаске - Ротокава мен Мокаиде (жылына 680-нен 7,5 мың келі алтынға дейін) өндіру тиімді.
Фото: Robert Harding / Global Look
