Жаңа Зеландиядағы жер сілкінісінен қаза тапқандар саны 123 адамға жетті
АСТАНА. 26 ақпан. ҚазАқпарат - Жаңа Зеландиядағы жер сілкінісінен қаза тапқандар саны 123 адамға жетті. Полиция өкілдері хабарлағандай, қаза тапқан адамдар үйінділерді аршу кезінде анықталды,
деп хабарлайды Associated Press-ке сілтеме жасаған РосБизнесКонсалтинг.
Дегенмен жаңа жер асты дүмпулері іздестіру жұмыстарына тосқауыл жасап отыр. Қазірдің өзінде 200 адам із-түзсіз жоғалғандар қатарында. Күн өткен сайын олардың тірі қалуы неғайбыл болып барады.
Осыған дейін 113 адам қаза тапқаны жайлы айтылған еді.
