Жаңа жыл қарсаңында Алматы-Қостанай бағытында қосымша пойыздар қатынайды
ҚОСТАНАЙ. ҚазАқпарат -Алматы-2 - Қостанай бағытындағы №179/180 жедел пойызына қосымша рейстер ашылады, деп хабарлайды ҚазАқпарат.
Мереке қарсаңында жолаушылардың көп болуына байланысты «Жолаушылар тасымалы» АҚ қосымша рейстің сапарға шығатыны туралы айтты.
«Пойыз Алматы-2 стансасынан 2018 жылғы 26, 30 және 31 желтоқсан күндері шығады. Ал Қостанай стансасынан 2018 жылғы 27, 31 желтоқсан және 2019 жылғы 1 қаңтар күндері жүреді. Аталған пойыздың билеттері барлық сату нүктелерінде қол жетімді», - делінген хабарламада.
