Жаңа жыл түнінде Астанада 90-нан астам нәресте дүниеге келді
АСТАНА. 3 қаңтар. ҚазАқпарат - Жаңа жыл түнінде Астана қаласында 90-нан астам сәби дүние есігін ашты.
Бұл туралы astana.kz сайтына Денсаулық сақтау басқармасынан хабарлады.
«31 желтоқсаннан 1 қаңтарға қараған түні Астананың үш перзентханасында 95 бала дүниеге келді. Олардың 41-і ұлдар, 54-і қыздар. Күн сайын біз 90-ға жуық әйелді босандырамыз», - деп нақтылады басқармадан.
