Жаңа жылдың алғашқы күні Қостанайда 17 сәби дүниеге келді
ҚОСТАНАЙ. ҚазАқпарат - Жаңа жылдың бірінші күні Қостанайда 17 сәби дүниеге келді, деп хабарлайды ҚазАқпарат облыстық денсаулық сақтау басқармасының баспасөз қызметіне сілтеме жасап.
Жаңа жылдың алғашқы күнінен-ақ Қостанай перинаталдық орталығының ақ халаттылары әдеттегідей тыным тапқан жоқ. Қаңтардың бірі күні 17 бала дүниеге келді. Оның алтауы - ұл, он бірі - қыз бала. Дәрігерлер нәрестелердің де, аналарының да денсаулығы бірқалыпты екенін айтты.
Ақ халатты мамандардың айтуынша, шаһарда отбасын құрып, балалы болып, ата-ана бақытына бөленгісі келетіндердің саны жылдан жылға артуда.
«Елдің әлеуметтік жағдайы жақсаруына қарай табиғи өсім артты, сәбилі болғысы келетін отбасылардың саны көбейді» дейді олар.
